Komunikazioaren Artisauak

eues

 

 

#MANU19

Gainditze historia bat da. Amets batena. Esfortzuari, pertseberantziari eta gaitasunari esker txikitatik amesten zuena lortzeko gai izan den futbolista baten historia. Bere hiriko taldearekin lehenengo mailan jokatzea zuen helburu eta lortu du Manu Garciak. Pertsona maitatua, errespetatua eta jarraitua da Gasteizen, eta dokumentala da bere bizitzaren begirada bat; San Viator-etik –bere lehenengo partidak jokatu zituenetik- Deportivo Alavesera iritsi bitartekoa. Ikus-entzunezkoa osatzen da hamaika testigantzarekin, modu baten edo beste baten Manurekin harremana izan duten pertsonen iritziak batu dira, kontaketa dotorea sortuz.

Besteak beste dokumentalean parte hartu dute honako hauek: Pepe Martin, bere lehen entrenatzailea; Tomas Duran, bere ordezkaria; guraso eta aizpak; Einar Galilea eta Sendoa Agirre moduko taldekideak; Jagoba Beobide eta Iñaki Saenz taldekide ohiak; Javier Zubillaga, Manuren kirol ibilbidean sekulako garrantzia izan duen pertsona; edo eta Sid Lowe, The Guardian egunkari britaniarreko kazetariak. Horiek guztiek Manuren kirol ibilbideaz hitz egiten dute, momento gogoangarri eta ahaztezinekin.

Jaenen bizitako partida, Bigarren B mailatik Bigarren mailarako igoera, Lehenengo Mailara iritsi zirenekoa. Errege Kopako finala. Momentu horiek guztiak errepasatzen dira Artemanek ekoiztutako dokumentalean. Baita Manuren ibilbidearen unerik gogorrenak ere. #MANU19 alaves zaletasunaren ariketa garbia da.