basquebeer.eus
Momentu honetan 12 dira Euskal Garagardoaren Elkartea osatzen duten ekoizleak eta bakoitzak bere marka eta irudi propioa dituen arren, gure eginkizuna izan da denak identifikatuko dituen marka eta irudi bereizgarria sortzea. Irudi hori, garagardo botilen elementu identifikagarri batetik abiatuta sortu genuen, txapatik abiatuta, alegia. Zigiluak BASQUE BEER marka nagusia du erdialdean eta tamaina handian. Goiko partean lupuluaren ikurra gehitu diogu, zonalde berdinean euskarazko izendapena ere kokatu dugularik. Kontrako kokalekuan irribarre formako itxiera bat. Argia, erraza eta oso identifikagarria.
