Musikalde.com

Musikalderen webgunea

Gasteizko Musikalde elkartearen webgunea sortu dugu, diseinu berritzailearekin. Musikalde Gasteizko hiru abesbatza batzen dituen elkarte ekimentsua da.

musikalde.com

Musikalde Elkartetik hurrengo eskaera jaso genuen: kanpo irudia indartu eta barne komunikazioan aholkularitza jasotzea. Webgune moderno eta erabilgarri bat sortu eta 100 kideren arteko komunikazioa ahalbidetzeko posta elektroniko sistema eraginkor bat egokitu dugu. Webgunearen baitan hiru abesbatzen atal bereizgarriak landu dugu, bakoitzaren beharretara egokituz eta irudi indartsuz apainduta.

Azkenik, bidelagun izan gara beraien Irabazirik Gabeko Erakunde ziurtagiria lortzeko kudeaketan. Horri esker, Google kontuak, Adobe lizentziak eta hainbat zerbitzu teknologiko doan eskuratu ahal izan dituzte. Orain, Musikalde Elkarteak kanpo irudi erakargarri eta modernoa du eta Artemanen espero dugu elkarrekin lanean jarraitzea bigarren fasea aktibatzeko: komunikazio arloa.

00