Euskal untxia, eta on egin!

Iragarki edo publizitate spot baten grabaketa eta prestaketa lanetan asko dira kontutan hartu beharreko xehetasunak. Lokalizazio egoki bat, aktore talde sendoa  (nahiz eta amateurrak izan), azpiegitura teknikoak, giza baliabideak, gidoia… Euskal Untxiaren iragarkiaren aurre produkzioan AZKrekin elkar-lanean aritu gara, eta emaitzarekin harro gaude. Gorosarri landetxean (Eskoriatza) burutu zen grabazioa, leku zoragarrian, eta dagoeneko iragarkia ETB1 eta ETB2n ikusgai dago. Euskal Untxia kontsumitzeko deia luzatu beharra zegoen, untxiaren haragia gizarteratu beharra, eta helburua samurra ez bada ere, spotak mezu argia luzatzen digu. Eta on egin!