Spotify eta Apple Music-ek lehiakide berria dute: Youtube Music

Eider Garcia/

YouTube Music Espainiara iritsi da! YouTube aplikazioa maiz erabiltzen baduzu, Google-en aplikazio berria hiru hilabetez doan probatzeko jakinarazpenak salto egingo zizun jada.

YouTube Music Google-en musika aplikazio berria da. Honekin milaka kantu, album, zerrenda edo cover entzun ditzakegu. Gainera, zure historian oinarritutako gomendio pertsonalizatuak ere eskaintzen dizkizu.

YouTube Music-ek duen balio erantsietako bat ondorengo hau da: artisten kantu ofizialez gain, cover edo zuzeneko kontzertuak ere ikusi eta entzun ditzakegu. Gainera, badu kantuen izenburuetaz akordatzen ez direnak poztuko dituen beste berri bat ere; kantuaren letrarekin edo deskripzioarekin aurki ditzakezu kantuak. Horretaz gain, zure lehentasun musikalak kontuan hartuta MixTape automatikoak ere sortzen ditu.

Orain arte YouTube plataforman entzun dugu musika, baina YouTube Music plataforman kantu bat igotzeko irudi edo bideoaren beharrik ez izateaz gain, mugikorra blokeatu edo beste aplikazio batzuk erabili ditzakezu musika entzuten jarraitzen duzun bitartean.

YouTube Music Premium-ek hilean 9,99€ko kostua dauka, Spotify eta Apple Music bezalaxe. Azken hauentzat Google-en aplikazio berri hau lehiakide gogorra izan daiteke. Kantuak entzuteaz gain, hauen bideoak ikus ditzakezu eta letra bidezko bilaketa egin. Gainera, Spotify eta Apple Music bezala, tendentzia sekzio bat ere badu. Eta ez ahaztu YouTube plataforma nagusitik ere erakarriko dituela erabiltzaileak.

  "Errealitate birtuala eta Industria 4.0" Gosari Komunikatiboen bigarren edizioan

Apple Music eta Spotify-entzat kolpe handia izango dela uste duzue? Edo dena saiakera batean geldituko da?