Artemaneko lehen ‘Gosari komunikatiboa’-n, droneak eta ikus-entzunezko tendentziak hizpide

Gaur, ostirala, gure lehenengo ‘Gosari komunikatiboa’ egin dugu Artemanen. Gure bidelagun batzuekin batera familia giro atseginean Droneak eta ikus-entzunezko tendentziak hizpide hartu eta ordubetez iraun duen solasalditxo interesgarria izan dugu. Horren ostean, gainera, ‘komunikazioaren artisauak’ garen legez, eskulanetan jarri ditugu gosariko parte-hartzaileak. :-)) eta norberak eraikitako opari polita eraman du etxera!

Plazer bat izan da eguneroko erritmotik kanpo, giro paregabean tartetxo bat hartu eta gure artean ezagutza partekatu, elkar ikasi eta batera aurrera egiteko bideak zabaltzen jarraitzea.

Gure asmoa da urtea amaitu aurretik beste halako solasaldi bat egitea, beti ere ezagutza partekatu eta elkar ikasiz aurrera egiteko. Hori delako bidea, ezagutza biderkatu, elkarri elikatu, eta lankidetza sustatzea.

Eskerrik asko parte hartu duzuen guztioi. Zuekin batera istorio berriak kontatu eta hegan egiten jarraitzeko irrikan gaude.

[ARGAZKI GALERIA: https://www.flickr.com/photos/arteman/albums/72157669570319185]